(Kushtuar aktit  shpëtimtar nga ekipazhi i Helikopterit Mi-4 : Mustafa Çiçi- Fredi Prifti dhe Sinan Breshani).

Pranvera ishte ulur këmbëkryq. Muaji Maj i vitit 1974 erdhi i mbarë. Natyra kishte nisur të gjallërohej. Nëpër lëndina  e në faqe të lartësive, bujitja e barit të njomë kishte jeshiluar mjediset. Nëpër maja malesh rezistonte,  me “ kokëfortësi ” bardhësia e borës të ngrirë,  e cila ngjante me një kapuç, të bardhë mbi majat e lartësive. Poshtë tyre,  në rrëzë të lartësive,  nën gurë,  kishin çelur lulet shumëngjyrëshe,  të cilat, të kalitura e të familjarizuara me të ftohtin e stinës dhe të malit,  ishin më rezistente,  nga simotrat e tyre fusharake.